Dr. Samile Juniku

Mjeke, gjinekologe, magjistër i shkencave.

Lindi me 19 Janar të vitit 1949 në Gjakovë. Shkollën fillore e kreu në Gjakovë, ndërsa të mesmen në Prishtinë, e po ashtu aty edhe u diplomua pranë Fakultetit të Mjekësisë në vitin 1977. Pas diplomimit filloj specializimin në Degën Gjinekologji – Obstetrikë dhe e përfundoi në 1983 në Universitetin e Zagrebit, e ku më tutje i vijoi edhe studimet posdiplomike. Gjashtë muaj pas përfundimit të specializimit emërohet Shefe e Repartit Gjinekologjik – Obstetrik në Spitalin e Gjakovës. 

Dha kontribut të çmuar gjatë viteve 1991- 1993 pas mbylljes së Klinikës Gjinekologjike në Prishtinë nga regjimi i atëhershëm serb. Menaxhimi me sukses i kësaj situate ka bërë që Reparti Gjinekologjik në krye me dr. Samile Juniku të marrë Mirënjohje dhe Falënderime të shumta nga të gjitha strukturat shëndetësore. Nga viti 2002 deri në vitin 2007 ka udhëhequr me Spitalin Rajonal “ Isa Grezda” si drejtor ekzekutiv, e ku gjatë kësaj periudhe realizoi edhe shumë projekte.